कर्णालीको पहिलो आधार अर्गानिक कृषि ः मन्त्री केसी



सुर्खेत १९,बैशाख /कर्णाली प्रदेश सरकारका प्रवक्ता एवम भुमि ब्यवस्था,कृषि तथा सहकारीमन्त्री विमला केसीले कर्णाली प्रदेशको पहिलो आधार अर्गानिक कृषि भएको वताउनु भएको छ ।
सुर्खेतको वीरेन्द्रनगरमा रहेको वुलवुले कृषि वजार ब्यवस्थापन समितिको भवनको औपचारिक उद्घाटन गर्नुहुदै मन्त्री केसीले प्रदेशको पहिलो आधार भनेको नै अर्गानिक कृषि भएको वताउनुभएको हो ।
कार्यक्रममा मन्त्री केसीले अर्गानिक कृषिका माध्यामवाट कर्णालीको गरिवी अन्त्य गरिने वताउनुभयो । प्रदेश सरकारले आगामी आ.व. देखि प्रदेशका गरिव किसानको जीवनस्तर माथी उठने कार्यक्रम संचालन गरिने वताउनुभयो ।
कृषि मन्त्री समेत रहनुभएका केसीले वास्तविक कृषकको सुझाव लिएर प्रदेशको कृषि निति वनाउने र त्यसैको आधारमा वजेट तथा कार्यक्रम निमार्ण हुने विश्वास दिलाउनुभयो । वास्तविक किसानहरुको सुझाववाट निमार्ण गरिएको नितिले गरिव खोज्दै जाने कार्यक्रम निमार्णमा मद्दत गर्ने विश्वास ब्यक्त गर्नुभयो । आगामी दिनमा गरिव किसानले प्राप्त गर्न सक्ने अनुदानको कार्यक्रम संचालन गरिने उहाँले वताउनुभयो ।

सुचना केन्द्रको विकास गर्नुपर्छ
मन्त्री केसीले कर्णालीको स्थानीय उत्पादनको बारेमा जानकारी लिन सुचना केन्द्रको विकास गर्नुपर्ने वताउनुभयो ।
कर्णाली प्रदेशको भुगोल सुहाउदो उत्पादनको जानकारी लिने खालको सुचना केन्द्र वनाउनुपर्ने उहाँको धारणा थियो । कर्णालीमा अव स्थानीय उत्पादनको वृद्धि गर्ने योजना जरुरी भएको उहाले औल्याउनुभयो । “८७ प्रतिशत किसान भएको प्रदेशले स्थानीय उत्पादनमा वृद्धि गरि आयस्तर वृद्धि गर्नुपर्छ” उहाँले भन्नुभयो ।
किसानले उत्पादन गरेका वस्तुको वजारीकरण प्रदेश सरकारले गर्ने मन्त्री केसीले वताउनुभयो । “वजारीकरणले उत्पादनको माग वढ्छ, उत्पादनको मागले किसानको आयश्रोत बढ्छ, त्यसैले सरकारले वजारीकरणको काम संचालन गर्नुपर्छ” उहाँले भन्नुभयो । सबैको साझा प्रयासले कर्णालीको स्थानीय उत्पादनलाई ब्राण्ड दिएर वजारीकरणमा लिनुपर्ने मन्त्रीकेसीको भनाई छ ।
कार्यक्रममा वजार ब्यवस्थापन समितिका अध्यक्ष हर्कवहादुर खत्रीले किसानले उत्पादन गरेका वस्तुहरुलाई वजारीकरण गर्ने वातावरण निमार्ण गरिदिन मन्त्री केसीसंग आग्रह गर्नुभयो । स्थानीय तथा प्रदेश सरकारले कृषिमा आकर्षण वढ्ने खालका कार्यक्रम संचालन गर्न सके मात्रै वास्तविक किसानको जिवनस्तर माथी उठ्ने भन्दै किसानमैत्री कार्यक्रम संचालन गर्नुपर्ने खत्रीले वताउनुभयो । अध्यक्ष खत्रीले कर्णालीको भुगोल अनुसारको उत्पादनको पकेट निमार्ण गर्न पनि सरकारको ध्यानाकर्षण गराउनुभयो ।


कोल्ड स्टोर वनाउन माग
सुर्खेतका कृषकहरुले प्रदेश राजधानी भएको वीरेन्द्रनगरमा सुविधा सम्पन्न कोल्डस्टोर निमार्ण गर्न माग गरेका छन ।
वीरेन्द्रनगरमा कोल्ड स्टोरको ब्यवस्था भए केही समय कर्णालीकै स्थानीय उत्पादन खाना पाइने वीरेन्द्रनगरका पर्वल शाहीले वताउनुभयो । “कोल्ड स्टोर भए जुम्लाका स्याउ र दैलेख तथा जाजरकोटका सुन्तला केही समय खाना पाइन्थ्यो, अहिले कोल्ड स्टोर छैन छिटटै विग्रिन्छ अनि वाहीरको वस्तु खानुपर्ने वाध्यता छ ”उहाँले भन्नुभयो ।
कर्णालीको स्थानीय उत्पादनलाई जोगाइ राख्न समस्या भएकाले वाहीर वाट आयात गर्नुपर्ने वाध्यता भएको उहाँले वताउनुभयो । कर्णालीमा स्थानीय उत्पादन वृद्धी गरि स्टोरिङग गर्नका लागी पनि कोल्ड स्टोरको आवश्यपता भएको शाहीको भनाई छ ।

प्रकाशित मितिः बिहिबार, बैशाख १९, २०७६     2:00:51 PM

Leave a Reply

Your email address will not be published. Required fields are marked *